धनकुटा प्रेस सम्वाददाता
धनकुटा/प्रेस चौतारी नेपाल धनकुटा शाखाले १० औं स्थापना दिवशको अवसर पारेर संगठनमा आवद्ध २ जना पत्रकारलाई सम्मान गरेको छ ।
प्रेस चौतारी नेपालका केन्द्रिय अध्यक्ष गणेश वस्नेतको प्रमुख आतिथ्यमा सम्पन्न अधिवेशनमा संगठनमा आवद्ध रहेर २ दशक अघि देखि क्रियाशिल पत्रकार मध्ये १ जनालाई नगद सहित पुरस्कृत गरिएको छ भने १ जनालाई सम्मान गरिएको हो । सम्मानित हुनेमा धनकुटाका अग्रज पत्रकार शोविस चेम्जोङ्ग र पुरस्कृत हुनेमा रेडियो नेपालमा कार्यरत बलराम दाहाल रहेका छन् ।
नवनिर्वाचित अध्यक्ष नारयण कुमार आठपहरिया
चौतारीका केन्द्रिय अध्इक्ष गणेश वस्नेत र जिल्ला अध्यक्ष रविन कट्टेलले चेम्जोङ्गलाई प्रमाणपत्र सहित दोसल्ला ओडाएर सम्मान र दाहाललाई नगद सहित दोसल्ला, प्रमाणपत्रले सम्मान गरेका हुन् । चेम्जोङ्ग अग्रदिप साप्ताहिकका सम्पादक तथा प्रकाशक, रेडियो वरुण र रेडियो मकालुका संचालक समितिका अध्यक्ष रहेका छन् भने दाहाल करिव २ दशक देखि पत्रकारितामा क्रियाशिल रहेका र हाल रेडियो नेपालमा कार्यरत रहेका छन् ।
दशौं जिल्ला अधिवेशनको उद्धघाटनसत्रमा नेकपा एमालेका जिल्ला अध्यक्ष शिव आङ्गला, नेकपा एमाले प्रदेश कमिटि सदस्य सावित्रा राई, जिल्ला सचिव नैन रुचाल, प्रेस चौतारी नेपालका प्रदेश नं.१ का उपाध्यक्ष सुमन पुरी, प्रेस चौतारीका प्रदेश सदस्य सन्तोष रुचाल, प्रेस युनियनका जिल्ला अध्यक्ष विनोद घिमिरे लगायतले शुभकामना मन्तव्य व्यक्त गरेका थिए । अधिवेशनको बन्द सत्रले राससमा कार्यरत धनकुटा प्रतिनिधि नारयण कुमार राईको नेतृत्वमा नयाँ समिति चयन गरिएको छ ।
- dhankutapress
