Breaking News
जिल्ला घेदुङ धनकुटाले आगामी फागुण–१२ गते हिलेमा सोनाम ल्होछार मनाउने    ||     ६ सय केजी गाँजा सहित ट्याङ्गकर प्रहरी नियन्त्रणमा    ||     चौतारीको २६ औं स्थापना दिवशमा विरामीलाई फलफूल वितरण    ||     चौबिसे रनिङ्ग कप फुटवल प्रतियोगिताको उपाधि वडा नं.६ राजारानीलाई    ||     धनकुटाको हिलेमा खेलकुद सामाग्री वितरण    ||     आखिरी किन खेपीरहेका छन् हाम्रा देशका ठूला दलका शिर्ष नेताहरुले दुव्र्यावहार ?    ||     राष्ट्रिय पर्वहरुको अवसरमा एमालेको शुभकामना आदनप्रदन कार्यक्रम सम्पन्न    ||     संघीयता, गणतन्त्र, लोकतन्त्र रक्षा गर्न समाजवादी मोर्चा–पूर्व मन्त्रि चेम्जोङ    ||     बुद्विचाल प्रतियोगितामा डंगोल भए जिल्ला प्रथम    ||     निःशुल्क स्वास्थ्य शिविरको दशौ दिन १४२ जनाले पाए उपचार सेवा    ||    

पाख्रीवास न.पा. वडा नं.६ का वडाध्यक्ष गुरागाईको घरमा आगजनी प्रकरण किटानी जाहेरी दर्ता

  •   ३ महिना अघि | १९ मंसिर २०८०, मङ्लबार

धनकुटा प्रेस अनलाईन खबर सम्वाददाता 

पाख्रीवास/नेपाली कांग्रेस धनकुटाले पाख्रीवास नगरपालिका वडा नं ६ का वडाध्यक्ष देवेन्द्र गुरागाईको घरमा आगजनी गरेको घट्नाको विरोध गर्दै घट्नामा संलग्न दोषीलाई कडा कारवाहीको माग गरेको छ ।

वडाध्यक्ष गुरागाईको परिवारको हत्या गर्ने उद्देश्यले सनिवार मध्यराती घर वाहिर चावी लगाई आगजनी गरिएको भन्दै घट्नाको दोषीलाई कारवाहीको माग गरेको हो ।

नेपाली कांग्रेस धनकुटाका सभापति दिनेश राई र सचिव विजय सन्तोषी राईले संयुक्त रुपमा विज्ञप्ति जारी गर्दै पार्टीका नेता तथा वडाध्यक्ष गुरागाई र उनको परिवारको हत्या गर्ने उदेश्यले रातको समयमा सुतिरहेको अवस्थामा वाहिरबाट चावी लगाएर घरमा आगजनी गर्ने अपराधिलाई कडा भन्दा कडा कारवाहीको माग गर्दै घट्नाको निष्पक्ष छानविन गर्न भनिएको छ ।

यो घट्नाबाट अलिकती पनि बिचलित नहुन वडाध्यक्ष गुरागाई र उनका परिवारजनमा आग्रह समेत विज्ञप्ति मार्फत गरिएको छ । घट्नामा संलग्न सुशिल अधिकारीलाई कडा कार्वाही र थप अनुसन्धन गर्न माग गरिएको छ । सो अवसरमा वडाध्यक्ष तथा कांग्रेस नेता गुरागाई, पाख्रीवास नगरपालिकाका मेयर ज्ञान वहादुर गुरुङ, नेपाली कांग्रेस धनकुटाका जिल्ला सचिव सन्तोषी राई, माओवादी केन्द्र धनकुटाका सचिव ओम प्रकाश निरौला,जसपा धनकुटाका सहसचिव तथा अधिवक्ता नारायणजुन राई, पाख्रीवास वडा नं ४ का वडाध्यक्ष सन्तोष मानन्धर, वडा नं ५ पाख्रीवासका कांग्रेस वडा सभापति पासाङ्ग तामाङ्ग लगायतको टोलीले सोमवार जिल्ला प्रहरी कार्यालय धनकुटामा किटानी जाहेरी दर्ता गरेको छ । वडाध्यक्ष गुरागाईको घरमा शनिवार मध्ये राती आगजनी गरिएको थियो । घट्नामा संलग्न भएको आशंकामा स्थानिय सुशिल अधिकारीलाई प्रहरीले शनिवार विहान नै पक्राउ गरेको थियो ।

पक्राउ परेका अधिकारीलाई घटनामा उनको संलग्नताको विषयमा सोधवुझ गर्दा कुनै वेला हो र कुनै वेला होईन भनिरहेकोले अनुसन्धान जारी रहेको जिल्ला प्रहरी कार्यलय धनकुटाका डिएसपी प्रहरी नायव उपरिक्षक राजबाबु महर्जनले बताए।

  • Dhankutapress

थप