धनकुटा प्रेस अनलाईन खबर सम्वाददाता 

धनकुटा/किराँत राई साँस्कृतिक संघ केन्द्रिय समिति र जिल्ला समिति धनकुटाको आयोजना यलम्बर सम्वत ५०८४ को अवसरमा शुभकामना आदन प्रदान तथा द्धिप प्रज्वलन कार्यक्रम सोमवार धनकुटामा आयोजना गरिएको छ ।

किराँत राई कलाकार संघका केन्द्रिय समितिका सचिव सुखकला राईको प्रमुख आतिथ्यमा सम्पन्न शुभकामना आदन प्रदान कार्यक्रममा नेपाल आदिवासी जनजाति महासंघ जिल्ला समन्वय समिति, धनकुटाका अध्यक्ष सञ्जय सन्तोषी राई, किराँत राई यायोखा जिल्ला अध्यक्ष उद्धवमणी राई लगायतले स्थानिय मदनचोकमा आयोजना गरिएको शुभकामना आदन प्रदान तथा साँस्कृतिक कार्यक्रममा शुभकामना मन्तव्य व्यक्त गरेका थिए । 

किराँत राई कलाकार संघ जिल्ला समिति धनकुटाका अध्यक्ष साङ्गेन राईको अध्यक्षतामा सम्पन्न शुभकामना साँझ कार्यक्रममा किराँत विद्यार्थि संघ, किराँत राई शिक्ष्क्षक संघ, किराँत राई खेलकुद संघ र किराँत राई पत्रकार संघको प्रमुख एवं प्रतिनिधिहरुले पनि शुभकामना मन्तव्य व्यक्त गरेका थिए । 

कार्यक्रममा वोल्ने वक्ताहरुले प्रथम राजा यलम्वरलाई राष्ट्रिय विभुति घोषणा गर्नु पर्ने, हरेक वर्ष आउने माघ १ गतेलाई यलम्वर जयन्तीको रुपमा सार्वजानिक विदा दिनु पर्ने, यले सम्वतलाई राष्ट्रिय सम्वत रुपमा घोषणा गर्नु लगायतको माग सरकार समक्ष अघि सारेका थिए । कार्यक्रमको संचालन जिल्ला सचिव केशव राईले गरेका थिए । 

• Dhankutapress