धनकुटा प्रेस अनलाईन खबर सम्वाददाता
धनकुटा/सांगीतको माध्यमबाट युवाहरुलाई लागु औषधका नकारात्मक पक्षहरुको बारेमा जनचेतना जगाउने र स्थानीय मौलिक संस्कृतीलाई प्रबद्धन गर्ने उदेश्यका साथ धनकुटामा २ दिने साँगितिक महोत्सव हुने भएको छ ।
धनकुटा ५ मा रहेको न्यू नवप्रभात क्लबको आयोजनामा सागितिक महोत्सव हुने सोमवार पत्रकार सम्मेलन मार्फत जानकारी गराईएको हो । कार्यक्रममा विभिन्न जनजातीहरुको सँस्कृति, भेषभुषा, रहनसहन तथा मौलिक खनाको प्रबद्र्धन गरिने आयोजकले जनाएको छ ।
कार्यक्रममा राष्ट्रिय तथा स्थानीय कलाकारहरुको प्रस्तुती रहने आयोजक सस्थाका अध्यक्ष गोविन्द राईले जानकारी दिए । दुई दिनसम्म सञ्चालन हुने महोत्सवमा २१ लाख रुपैयामा खर्च हुने सागितिक कार्यक्रमका संयोजक रीदम श्रेष्ठले जानकारी दिए ।
कार्यक्रममा सविन राई एण्ड द फेरो व्याण्ड, कालिप्रसाद वास्कोटा फ्री वर्ड, चुम्बक व्याण्ड, आरोह व्याण्ड, न्युभोलुम व्याण्ड, स्काई एडि, मनोज तिवारी एण्ड स्नाव व्याण्ड तथा टिन्स क्रिउ र त्रिवेणी नाट्य डान्स सेन्टर लगायतको प्रस्तुती रहने आयोजकले जनाएको छ ।
- Dhankutapress