धनकुटा प्रेस सम्वाददाता
धनकुटा/संविधान दिवशको अवसरमा धनकुटा नगरपालिका वडा नं.६ स्थित् दक्षिणकाली मन्दिर परिसरमा सोमवार वृक्षरोपाण कार्यक्रम आयोजना गरिएको छ ।
नेपाली सेनाको भिमदल गण सल्लेरी धनकुटाको आयोजनामा दक्षिणकाली मन्दिर परिसरमा वृक्षारोपण कार्यक्रम आयोजना गरिएको हो । प्रमुख अतिथि प्रमुख जिल्ला अधिकारी युवराज कट्टेलले दक्षिणकाली मन्दिर परिसरमा वृक्षारोपण गरेर कार्यक्रमको समुद्धघाटन गरेका थिए । कार्यक्रममा भिमदल गणका सेनानीद्धय पुर्ण प्रजापति, नविन गुरुङ, जिल्ला प्रहरी कार्यलय धनकुटाका प्रमुख लक्ष्मीराज अधिकारी, शसस्त्र प्रहरी बल धनकुटाका सुरक्षाअधिकारीहरुले स्वमी, एभोकाडो लगायत विभिन्न प्रजातिका ५० वटा वृक्षारोपण गरेका छन् ।
वृक्षारोपण कार्यक्रमलाई सम्वोधन गर्दै प्रजिअ युवराज कट्टेलले २ सय वर्ष पुरानो दक्षिणकाली मन्दिरको संरक्षण र सम्वद्र्धनमा सरोकारवाला निकायहरुले ध्यान दिनु पर्ने वताए । उनले दक्षिकाली मन्दिरको ऐतिहासिक महत्व रहेको बताउँदै मन्दिर जिर्ण वन्दै गएकोले संरक्षण पर्नु पर्ने बताए । उनले ऐतिहासिक काल देखि नै दक्षिणकाली मन्दिरमा नेपाली सेनाले शक्तिपिठको रुपमा पुजाआरधना गर्दै आएको बताए ।
- Dhankutapress
