धनकुटा प्रेस अनलाईन सम्वाददाता
धनकुटा/ ‘स्वास्थ्य उपचारमा पहुँच नहुनेका लागि पहुँच’ भन्ने मुल नाराका साथ धनकुटामा हुने बृहत स्वास्थ्य शिविरको तयारी तिब्र पारिएको छ ।
अल्हवा मेडिकल मिसन अमेरिका हवाईको निःशुल्क स्वास्थ्य विशेषज्ञ सेवा तथा सल्भ नेपाल धनकुटाको सहकार्य र धनकुटा अस्पतालको विशेष पहलमा स्वास्थ्य शिविर आयोजना गर्न लागिएको वुधवार जानकारी दिइएको छ । गरिब असहाय र पहुँच विहिनहरुका लागि आगामी असोज १ देखि १२ गतेसम्म निःशुल्क वृहत शल्यक्रिया शिविरका लागि तयारी तिब्र पारिएको आयोजक समितिले पत्रकार सम्मेलन गरेर जानकारी दिएको छ ।
वृहत निःशुल्क शल्यक्रिया स्वास्थ्य शिविरमा पित्तको पत्थरी, पाठेघर, हर्निया, हाइडोशिल, पायल्स, थाईराड, गाँठागुठीको शल्यक्रिया र दाँतको उपचार गरिने मूल आयोजक समितिका संयोजक रोशेष श्रेष्ठले जानकारी दिए । निःशुल्क शल्यक्रिया शिविरमा ४२ जना अमेरिकन स्वास्थ्य विशेषज्ञ डा.सहित विभिन्न देशबाट आएका विशेषज्ञ डाक्टरहरुले १२ दिनसम्म सेवा दिने श्रेष्ठले बताए ।
अल्हवा मेडिकल मिसन हवाई अमेरिकाले यस अघि नेपालमा ७ वटा शिविर सम्पन्न गरेकोमा धनकुटा मात्रै ५ वटानिःशुल्क स्वास्थ्य शिविर सम्पन्न गरेको छ । धनकुटा बाहेक नुवाकोट र सिराहामा वृहत निःशुल्क स्वास्थ्य शिविर सम्पन्न भएका हुन् । अल्हवा मेडिकल मिसन अमेरिका हवाईले धनकुटामा वि.स. २०६७, २०६८, २०७०, २०७२ र २०७५ सालमा निःशुलक स्वास्थ्य शिविर सम्पन्न गरेको छ ।
जसबाट जटिल शल्यक्रिया ७ सय ४६, सामान्य शल्यक्रिया १ हजार १ सय ६८, दन्त सेवा २ हजार ३ सय ४, कृत्रिम हात ११ जना र सोलार सेट ४ जनाले सेवा पाएको आर्थिक व्यवस्थापन उपसमिति संयोजक दोर्ण गुरागाईले जानकारी दिए । उनले हालसम्म १२ हजार, ३ सय, ९८ जनाले धनकटामा संचालित शिविरमा निःशुल्क स्वास्थ्य उपचार पाएको वताएका छन् । स्वास्थ्य शिविर सम्पन्न गर्नको लागि अल्वाहवाई मिसन हवाईका स्वास्थ्य विशेषज्ञ सर्जन केम किस्टोफर र विकास गुप्ताको नेतृत्वमा विभिन्न रोगका ४२ जना स्वास्थ्य विशेषज्ञ टोली भाद्र–३१ गते धनकुटा आई पुग्ने वताइएको छ ।
शिविर व्यवस्थापनको लागि डेड करोड भन्दा वढी खर्च लाग्ने आर्थिक व्यवस्थापन समितिका संयोजक द्रोर्ण गुरागाँईले बताए । उनले भने–सिमनमा आउने डाक्टरको टोलीलाई विराटनगरबाट धनकुटा र धनकुटा देखि विराटनगरसम्म ल्याउने लाने जिम्मा स्थानिय आयोजकले गर्नु पर्ने स्थानिय संयोजक रोशेष श्रेष्ठले बताए । उनले मिसनमा आउने डक्टरहरुको स्वागत सत्कार र अन्य स्थानिय व्यवस्थानको लागि पनि १५ देखि १८ लाख रुपयाँ खर्च हुने बताए ।
- Dhankutapress
