धनकुटा प्रेस सम्वाददाता 

धनकुटा/किरात राई पत्रकार संघ धनकुटाको ५ औं जिल्ला अधिवेशन सोमवार धनकुटामा सम्पन्न भएको छ ।

संघका निवर्तमान अध्यक्ष अजय सन्तोषी राईको अध्यक्षता तथा नेपाल आदिवासी जनजाती महासंघ जिल्ला समन्व समिति धनकुटाको अध्यक्ष सञ्जय सन्तोषी राईको प्रमुख आतिथ्यमा सम्पन्न अधिवेशनले सर्मिला राईको अध्यक्षतामा ९ सदस्यीय संघको नयाँ कार्य समिति चयन गरेको हो ।

संघको उपाध्यक्षमा मुलुकमान राई, सचिवमा जयन्ती राई, सहसचिवमा कुसुम राई र कोषाध्यक्षमा कृष्ण कुमारी राई चयन भएका छन् । अन्य सदस्यहरुमा अनिता राई, लक्ष्मी राई, शष्टिका राई र दिपेन राई रहेका छन् । 

अधिवेशनको खुल्लासत्रलाई सम्बोधन गर्दै कार्यक्रमका प्रमुख अतिथि सञ्जय सन्तोषी राईले सञ्चार माध्यमबाट किराती पहिचान र सँस्कृतीको बारेमा आवाज बुलन्द गर्दै यो क्षेत्रमा सशक्त कलम चलाउनु पर्ने सुझाव दिए। राईले प्रदेश नं १ को नाम किरात प्रदेश राख्न दवाव दिन पनि संघको राष्ट्रिय सम्मेलन प्रदेश नं १ मै गर्न माग समेत गरेका छन् ।

त्यसैगरी कार्यक्रमका अर्का अतिथि किरात राई पत्रकार संघका पूर्व केन्द्रिय सदस्य  टकलाल राईले किरात राई पत्रकार संघको स्थापना र इतिहाँसको वारेमा जानकारी गराएका थिए ।

किरात राई पत्रकार संघ वि.सं.२०६४ सालमा गठन भएको बताउदै उनले किरातहरु सञ्चार माध्यममा भने नेपालको राणा शासन काल भन्दा अघि देखी क्रियाशिल रहदै आएको उल्लेख गरे। त्

• Dhankutapress