धनकुटा प्रेस अनलाईन खबर सम्वाददाता 

धनकुटा/दशै, तिहार लगायत चाडपर्व नजिकिएसँगै स्थानीय प्रशासन धनकुटाले बजारमा दैनिक उपभोग्य खाद्य सामाग्रीहरुलाई लक्षित गरेर अनुगमनलाई तिब्रता दिएको छ । 

जिल्ला प्रशासन कार्यालाय धनकुटाको नेतृत्वमा खाद्य प्रविधि तथा गुण नियन्त्रण डिभिनज कार्यलाय, घरेलु तथा साना उद्योग कार्यलय धनकुटा र राष्ट्रिय उपभोक्त मञ्च धनकुटा तथा स्थानिय संचारकर्मी, नेपाल प्रहरी सहितको टोलीले संयुक्त रुपमा धनकुटामा सोमवार देखि अनुगमनलाई तीब्रता दिएका हुन् ।  

अनुगमन टोलीले विशेष गरेर खाद्यान्नका थोक तथा खुद्रा पसलमा अनुगमन गर्न सुरु गरेको हो । सो क्रममा अनुगमन टोलीले धनकुटाको छथरजोरपाटी गाउँपालिको जोरपाटि बजार र पाख्रिवास नगरपालिकाको पाख्रिवास बजारका खुद्र तथा थोक किराना पसल अनुगमन गरेको छ । 

ती बजारमा रहेका एक  दर्जन भन्दा बढी खुद्रा तथा थोक किराना पसलहरुमा अनुगमन गरी म्याद गुज्रिएका दैनिक उपभोग्य खाद्यबस्तु नष्ट गरीएको छ । उक्त म्याद गुज्रेका दैनिक उपभोग्य खाद्यबस्तुहरु जफत गरी स्थानिय जनप्रतिनिधि, प्रहरीको रोहबरमा आगो लगाई नष्ट गरीएको हो । 

त्यस्तै अनुगमनका क्रममा उक्त पसलहरुलाइ म्याद गुज्रेका दैनिक उपभोग्य खाद्यबस्तु आगामी दिनमा नवेच्न सुझाव तथा चेतवनी समेत दिइएको जिल्ला प्रशासन कार्यलयका प्रमुख प्रशासकिय अधिकृत अंकित मग्रातीले बताए । 

यसअघि टोलिले धनकुटाको सिधुवा बजारमा समेत अनुगमन गरेको थियो । स्थानिय प्रशासनले धनकुटाका अन्य बजारमा पनि अनुगमन गरि म्याद गुज्रेका सामान नष्ट गर्ने जनाएको छ ।

• Dhankutapress