धनकुटा प्रेस अनलाईन सम्वाददाता 

धनकुटा/किराँत राई यायोखाको ३६ औं स्थापना दिवशको अवसर पारेर जिल्ला कार्य समिति धनकुटाले सोमवार वृक्षारोपण तथा शुभकामना आदान प्रदान कार्यक्रम सम्पन्न गरेको छ। 

धनकुटा नगरपालिका वडा नं.६ राई कुवा टोलमा रहेको साकेलापार्कमा किराँत राई यायोखा जिल्ला कार्य समिति धनकुटाले स्थापना दिवशको अवसरमा शुभकामना आदन प्रदान तथा वृक्षारोपण कार्यक्रम आयोजना गरेकोे हो ।

जिल्ला कार्य समिति धनकुटाका अध्यक्ष उद्धवमणी राईकानुसार स्थापना दिवशको अवसरमा धनपा–६ राई कुवा टोल स्थित् सोकलाथानमा पुजाआजा साथै विभिन्न प्रजातिका विरुवा वृक्षारोपण गरिएको छ । त्यसका साथै स्थापना दिवशको अवसरमा शुभकामना आदन प्रदान कार्यक्रम समेत आयोजना गरिएको छ । वृक्षारोपण तथा शुभकामना आदन प्रदान कार्यक्रममा नेपाल आदिवासी जनजाति महासंघ जिल्ला समन्वय परिषदका अध्यक्ष संजय सन्तोषी राई, पुर्व अध्यक्ष पार्वती राई लगायतको सहभागिता रहेको थियो । 

त्यसैगरी किराँत आठपहरिय समाज धनकुटाको आयोजनामा मंगलवार धनकुटा न.पा. वडा नं.७ चुलिवन पार्कमा विभिन्न प्रजातिका विरुवा वृक्षारोपण गरिएको छ । समाजका केन्द्रिय अध्यक्ष सरकुमारी आठपहरियाका अनुसार चुलिवनमा रहेको रिदमाहाङ–रामलिहाङ पार्क र आसपासको क्षेत्रलाई सरसफाई गर्नुको साथै वृक्षारोपण गरिएको छ । वृक्षारोपण कार्यक्रममा समाजका अगुवाहरु, सामाजिक संघसंस्थाको प्रमुख एवं प्रतिनिधिहरुको सहभागिता रहेको थियो ।  

• Dhankutapress