धनकुटा प्रेस सम्वाददाता
धनकुटा/धनकुटामा ट्रकको ठक्करबाट एक बृद्दाको मृत्यु भएको छ ।मृत्यु हुनेमा जिल्लाको धनकुटा नगरपालिका ६ गोठगाउं बस्ने ७० बर्षिय नन्द कुमारी राई रहेका छन् ।
हिजो सांझ धरानबाट हिले तर्फ जांदै गरेको प्र–१–०२–००२ ख ००४९ नम्वरको ट्रकको ठक्करबाट पैदल हिंडिरहेकी राईको घटना स्थलमै मृत्यु भएको हो ।
मृतकको शव पोष्टमार्टमको लागि जिल्ला अस्पतालमा पठाइएको छ । ट्रक चालक धनकुटा नपा १ बस्ने ३९ बर्षिय भरत कुमार राई र ट्रकलाई नियन्त्रणमा लिइ थप अनुसन्धान भइ रहेको जिल्ला प्रहरी कार्यालय धनकुटाका प्रवक्ता डीएसपी ओम प्रकाश खनालले जानकारी दिए ।
महालक्ष्मीमा पनि एक बृद्द मृत फेला :
त्यसैगरी धनकुटामा अर्का एक बृद्द पनि मृत फेला परेका छन् ।
जिल्लाको महालक्ष्मी नगरपालिका वडा नम्बर ५ ज्यामिरे बस्ने अन्दाजी ७० बर्षिय भक्त बहादुर बस्नेत आफ्नो घरदेखि अन्दाजी ५ सय मिटर उत्तर स्थित अछामे डाँडाको खोल्सामा मृत अवस्थामा फेला परेका हुन् । उनले बढी मात्रामा मादक पदार्थ सेवन गरि हिँड्ने गरेको पाइएको प्रहरीले जनाएको छ ।
कानुनी प्रकृया तथा थप अनुसन्धानको लागि जिल्ला प्रहरी कार्यालय धनकुटाबाट टोली खटिएको र शवलाई पोष्टमार्टमको लागि जिल्ला अस्पताल धनकुटा ल्याइएको जिप्रका धनकुटाका प्रवक्ता डीएसपी ओम प्रकाश खनालले जानकारी दिए ।
- dhankutapress
