धनकुटा प्रेस अनलाईन खवर सम्वाददाता
धनकुटा/धनकुटामा आगलागी हुँदा ३ घर जलेर नष्ट भएको छ। धनकुटा नगरपािलका वडा नं.१० उत्तरपानी स्थित् धर्मशालामा बिहीबार बिहान १०ः३० बजेदेखि भएको आगलागीबाट ३ घर जलेर नष्ट भएको हो ।
स्थानिय, प्रहरी, सेना, दमकलको साहयताले आगो नियन्त्रणमा आएको ईलाका प्रहरी कार्यालय पाख्रिवासका ईन्चार्ज नारायण भट्टराईले जानकारी दिए । आगलागीबाट मानवीय क्षति भने भएको छैन । कमला मोक्तानको घरबाट बिहान १०ः३० बजे आगो सल्किएको थियो ।
आगलागीले मेहरमान मोक्तानको २ घरमा क्षति पुगेको छ । साथै, उनको किराना पसलमा आगलागीबाट ३० लाख क्षति पुगेको थियो । चुल्होमा बालेको दाउराबाट आगलागी सुरु भएको हुन सक्ने जनाइएको छ । चुलो नजिकै व्यापरीले स्टोर गरेर राखेको अम्लिसोमा आगो सल्किएको कारण आगलागी भएको स्थानियले वताए ।
- Dhankutapress