धनकुटा प्रेस सम्वाददाता
हिले/तामाङ समुदायको सोनाम ल्होछार नयाँ वर्ष नजिकिएसंगै धनकुटामा तम्बा दर्शन सम्वन्धी अन्तरक्रिया कार्यक्रम तथा डम्फू सेलो सम्वन्धी तालिम आयोजना गरिएको छ ।
तालिमको तम्वा संघ नेपाल केन्द्रिय समितिका अध्यक्ष धावा वाङ्गेल मोक्तानले एक समारोहको विच शुक्रवार धनकुटाको हिलेमा समुद्धघाटन गरेका छन् । तम्बा संस्कृति युवा पुस्तामा हस्तान्तरण गर्ने उदेश्यले तालिम आयोजना गरिएको कार्यक्रम आयोजक संस्था तम्बा संघ धनकुटाका अध्यक्ष हरिलाल मोक्तानले जानकारी दिए ।
तम्वा संघका केन्द्रिय अध्यक्ष धावा वाङ्गेल मोक्तान अन्तरक्रिया कार्यक्रमको सहजीकरण गर्दै ।
दुई दिनसम्म संचालन हुने तालिममा तम्बाको परिभाषा, तम्बाको महत्व, तम्बाको कार्य क्षेत्र, तम्बाको दार्शनिक पक्ष, तम्बाको विधाहरुको वारेमा सहजीकरण हुने संघका केन्द्रिय अध्यक्ष धावा वाङ्गेल मोक्तानले बताए । उनले विशेष गरेर दुई दिनसम्म चल्ने तालिममा आख्यान विधा, गायन विधा, वाद्यवाधन विधा र नृत्य विधामा केन्द्रित रहने वताए ।
तम्वा संघ धनकुटाले आयोजना गरेको २ दिने तालिममा धनकुटा जिल्लाको महालक्ष्मी नगरपालिका, धनकुटा नगरपालिका, छथरजोरपाटी, साँगुरीगढी, चौविसे गाउँपालिका र पाख्रीवास नगरपालिकाबाट प्रशिक्षर्थिहरुको सहभागिता रहेको छ ।
धनकुटा र संखुवासभा जिल्लाबाट सहभागी प्रशिक्षार्थिहरु तम्वा दर्शन सम्वन्धी तालिममा सहभागी हुँदै ।
छिमेकी जिल्ला संखुवासभाबाट पनि सहभागिता रहेको संघका केन्द्रिय सदस्य पेमा लामाले वताईन । उनले १ नम्वर प्रदेशको विभिन्न जिल्लामा तम्वा संघको जिल्ला स्तरको संगठन विस्तार गर्ने उदेश्यले अन्तरक्रिया तथा तालिम आयोजना गरिएको वताएकी छन् । तालिममा मुख्य प्रशिक्षकको भूमिका संघका केन्द्रिय अध्यक्ष धावा वाङ्गेल मोक्तानले निर्वाह गरिरहेका छन् । तालिममा ४० जनाको सहभागिता रहेको छ ।
- Dhankutapress
