धनकुटा प्रेस अनलाईन खवर सम्वाददाता 

धनकुटा/भीमदल गण धनकुटाले हिलेमा रहेको बक्रकुण्ड पञ्चेश्वर महादेवको मन्दिरमा उपयोग गर्ने गरी ७ वटा वेन्च हस्तान्तरण गरेको छ । 

मन्दिर व्यवस्थापन समिति अध्यक्ष लालचन्द्र गोङवा तामाङलाई कार्यक्रमका प्रमुख अतिथि श्री २ नं बाहिनी अड्डाका बाहिनीपति सहायक रथि महेश कुमार थापाले शुक्रवार हस्तान्तरण गरेका हुन् ।

वेन्च हस्तातरण पछि बाहिनीपति सहायक रथि महेश कुमार थापाले ऐतिहासिक धरोहर एवं साँस्कृतिक सम्पदाहरुको संरक्षण, सम्वद्धन र प्रवद्धनको लागि नेपाली सेनाले निरन्तर काम गर्दै आइरहेको बताए । उनले यस्ता समाजिक कार्यबाट नेपाली सेना र जनता बीच सुमुधुर सम्बन्ध कायम गरी राष्ट्रिय एकतालाई मजवुत बनाउन टेवा पु¥याउने बताए । 

साथै, उनले अझ आगामी दिनमा बक्रकुण्ड पञ्चेश्वर महादेवको मन्दिरको महत्व बढाई धनकुटा जिल्लाको धार्मिक पर्यटन विकास गर्न सहयोग पुग्ने आशा लिएको बताए ।  कार्यक्रममा भीमदल गण धनकुटाका गणपति सुमन थापाले मन्दिर परिसरमा भक्तजनलाई थकाईमार्न र दर्शनार्थिहरुको विश्रामको लागि सहयोग पुगोस भन्ने हेतुले सकलदर्जाहरुबाट ७ वटा वेन्च निमार्ण गरि हस्तान्तरण गरिएको जानकारी दिए । कार्यक्रममा जिल्ला समन्वय समिति धनकुटाका प्रमुख निरेन तामाङ, प्रमुख जिल्ला अधिकारी पुण्यविक्रम पौडेल लगायतले मन्तव्य राखेका थिए ।

• Dhankutapress